Author: admin

തണൽ തേടി: ഭാഗം 50

എഴുത്തുകാരി: റിൻസി പ്രിൻസ്‌

ലച്ചൂ ഒരു പാവമാട്ടോ, ഒരുപാട് പ്രോബ്ലംസ് ഫേസ് ചെയ്തിട്ട അവൾ ഇപ്പോൾ ചേട്ടന്റെ വീട്ടിൽ നിൽക്കുന്നത്. ചേട്ടൻ അല്ലാതെ വേറെ ആരാണെങ്കിലും ഒരുപക്ഷേ ഇങ്ങനെ ഒന്നും ചെയ്യില്ല. രാത്രിയിൽ ഒരു പെൺകുട്ടി ഒറ്റപ്പെട്ടുപോകുമ്പോൾ അവളെ സഹായിക്കാനുള്ള ഒരു മനസ്സുണ്ടാവുക എന്ന് പറയുന്നത് ചെറിയ കാര്യമൊന്നുമല്ല. ആ സമയത്ത് അവൾ എന്നെ ഒന്ന് വിളിച്ചിരുന്നെങ്കിൽ ഞാൻ അവളെ എന്റെ വീട്ടിലേക്ക് കൊണ്ടുപോയേനെ. എങ്കിലും എത്ര ദിവസം എനിക്ക് സംരക്ഷിക്കാൻ പറ്റും. അവളുടെ അച്ഛനും ചെറിയമ്മയൊക്കെ ഓപ്പോസിറ്റ് നിൽക്കുമ്പോൾ എനിക്ക് പരിധികളില്ലേ.? അവൾക്ക് ശരിക്കും വേണ്ടത് ചേട്ടനെപ്പോലെ നട്ടെല്ലുള്ള ഒരു പുരുഷന്റെ സംരക്ഷണമാണ്. ആ വിവേക് ഭൂലോക ഉടായിപ്പ് ആണെന്ന് എനിക്ക് ആദ്യം അറിയാമായിരുന്നു. അർച്ചന പറയുകയാണ് ലക്ഷ്മി നിസ്സഹായമായി അവളെ നോക്കുന്നുണ്ട്. അവളുടെ മുഖം കാണെ സെബാസ്റ്റ്യന് ചിരി വന്നു പോയിരുന്നു. എന്നിട്ട് എന്താ താൻ കൂട്ടുകാരിക്ക് പറഞ്ഞു കൊടുക്കാഞ്ഞത് ആ ബന്ധം വേണ്ടെന്ന്. അവൻ കൈകെട്ടി നിന്ന് ചോദിച്ചു അവളുടെ സിറ്റുവേഷൻ അങ്ങനെയായിരുന്നു ചേട്ടാ. ഇനിയിപ്പോ അവനെ കൊണ്ട് ഇവൾ ആ വീട്ടിൽ നിന്ന് രക്ഷപെടുന്നെങ്കിൽ രക്ഷപ്പെട്ടോട്ടെ എന്ന് ഞാനും കരുതി. അവളുടെ വീട്ടിലെ അവസ്ഥ അത് ഭയങ്കര ശോചനീയാമായിരുന്നു. അതിപ്പോ ഞാനെത്ര പറഞ്ഞാലും ചേട്ടനും മനസ്സിലാവില്ല. അനുഭവിച്ചാൽ മാത്രം മനസ്സിലാവുന്ന കാര്യങ്ങൾ. ചേട്ടനോട് എനിക്കൊരു ഒറ്റ റിക്വസ്റ്റ്യൊള്ളൂ. ഒരുപാട് അനുഭവിച്ചതാണ് ഇവൾ. ഒരുപാട് വിഷമിച്ചത് ആണ്. അവളെ വിഷമിപ്പിക്കരുത്. സെബാസ്റ്റ്യൻ തലയാട്ടി നന്നായി ഒന്ന് ചിരിച്ചു കാണിച്ചു. പിന്നെ ചേട്ടന്റെ നമ്പരിൽ വിളിച്ചാൽ ഇവളെ കിട്ടില്ലേ..? രാവിലെ ഒരു ആറുമണിക്ക് മുൻപും വൈകിട്ട് ഒരു ഏഴുമണിക്ക് ശേഷവും വിളിച്ചാൽ കിട്ടും. സെബാസ്റ്റ്യൻ പറഞ്ഞു. ഞാൻ ഇടയ്ക്ക് വിളിക്കാം. എന്നാൽ ഞാൻ പോട്ടെ കുറച്ചു കാര്യങ്ങൾ ഉണ്ട്. ഇവളെ ഒന്ന് കാണാൻ വേണ്ടി ഇറങ്ങിയത് ആണ്. പിന്നെ കല്യാണത്തിന് രണ്ടുപേരും കൂടി വന്നു ഇൻവിറ്റേഷൻ തരണം അവൾ പറഞ്ഞപ്പോൾ അവൻ ചിരിച്ചുകൊണ്ട് തലയാട്ടി കാണിച്ചു.. എങ്കിൽ പിന്നെ ലച്ചു നീ കയറിയിരുന്നോ? ഞാൻ പോവാ. ഇടയ്ക്ക് വിളിക്കാം. അർച്ചന വണ്ടിയിൽ നിന്നും ഇറങ്ങിയപ്പോൾ ലക്ഷ്മി അവൾക്ക് നേരെ കൈ വീശി കാണിച്ചു. അവൾ അവിടെ നിന്നും പോയിക്കഴിഞ്ഞപ്പോൾ വണ്ടിയിൽ താനും സെബാസ്റ്റ്യനും മാത്രമേ ഉള്ളൂ എന്ന ബോധം ലക്ഷ്മിക്ക് വന്നു. ആ നിമിഷം അവൾക്ക് ചെറിയൊരു ചമ്മൽ അനുഭവപ്പെട്ടു തുടങ്ങിയിരുന്നു. അവന്റെ മുഖത്തേക്ക് നോക്കിയപ്പോൾ ചിരിച്ചുകൊണ്ട് നിൽക്കുകയാണ്. കൂട്ടുകാരി കൊള്ളാലോ നന്നായി സംസാരിക്കുന്നുണ്ട്. തന്നെ പോലെയല്ല, അവൻ പറഞ്ഞപ്പോൾ അവൾ അവനെ ഒന്ന് കൂർപ്പിച്ചു നോക്കി.. എനിക്ക് നന്നായി സംസാരിക്കുന്ന പെൺകുട്ടികളെ ഭയങ്കര ഇഷ്ടമാ… അവളെ നോക്കി അവൻ പറഞ്ഞു. എങ്കിൽ പിന്നെ നന്നായി സംസാരിക്കുന്ന ഏതെങ്കിലും പെൺകുട്ടികളെ നോക്കായിരുന്നില്ലേ.?ഇഷ്ടം പോലെ ഫാൻസ്‌ ഉണ്ടല്ലോ, അവൾ അത് പറഞ്ഞപ്പോൾ അവൻ അവളെ ഒന്ന് അത്ഭുതത്തോടെ നോക്കി. ഇത് ആദ്യമായി ആണ് ഇത്രയും അധികാരത്തിൽ ഒക്കെ സംസാരിക്കുന്നത്. അവൻ മുൻപേ ഇരുന്ന വാതിലിന്റെ അരികിലുള്ള സീറ്റിലേക്ക് ഇരുന്നുകൊണ്ട് അവൾ പുറത്തേ കാഴ്ചകളിലേക്ക് നോട്ടമെത്തിച്ചു. അവനപ്പോഴേക്കും അവളെ പോലും ഞെട്ടിച്ചുകൊണ്ട് അവളുടെ അരികിൽ തന്നെ വന്നിരുന്നു. ഒരു നിമിഷം അവളുടെ ഹൃദയതാളം വല്ലാതെ ഉയരുന്നുണ്ടായിരുന്നു. നോക്കട്ടെ……! നന്നായി സംസാരിക്കുന്ന ഏതെങ്കിലും പെൺകുട്ടിയേ, അവൻ ചോദിച്ചു അവളുടെ തോളിൽ ഉരുമിയാണ് അവൻ ഇരിക്കുന്നത്. അവളുടെ മുഖത്തേക്ക് നോക്കിയാണ് ചോദ്യവും. വല്ലാത്തൊരു പരിഭ്രമം അവളെ മൂടുന്നുണ്ടായിരുന്നു. അവളുടെ ചുണ്ടുകൾ വിറക്കുന്നത് അവന് കാണാം. നോക്കട്ടെ….! ഒരിക്കൽ കൂടി അവൾക്ക് കേൾക്കാൻ പാകത്തിൽ അവളുടെ ചെവിയോരം അവൻ ചോദിച്ചു. അവൾ നിഷേധാർത്ഥത്തിൽ തലയാട്ടി, ഒപ്പം തന്നേ കൂർപ്പിച്ചു ഒരു നോട്ടവും … അവൻ ചുണ്ടുകൾ കടിച്ചു പിടിച്ചു മീശ ഒന്ന് പിരിച്ചു ചിരിച്ചു ” എങ്കിൽ പിന്നെ ഈ മിണ്ടാപൂച്ചയേ വച്ചു അഡ്ജസ്റ്റ് ചെയ്യാം അല്ലേ.? താടിയിൽ തഴുകി അവളെ നോക്കി അവൻ ചോദിച്ചു. അപ്പോഴേക്കും ബസ്സിലേക്ക് ഒന്ന് രണ്ട് ആളുകളൊക്കെ കേറി തുടങ്ങി. ആ സമയം അവൾക്ക് അരികിൽ നിന്നും അവനെഴുന്നേറ്റു എനിക്ക് ഈ മിണ്ടപെണ്ണിനെയാ ഇഷ്ട്ടം കേട്ടോ..! പോകും വഴി അവൾക്ക് മാത്രം കേൾക്കാൻ പാകത്തിൽ കാതോരം പറഞ്ഞവൻ….തുടരും

മുന്നത്തെ പാർട്ടുകൾ  വായിക്കാൻ ഇവിടെ ക്ലിക്ക് ചെയ്യുക…

തണൽ തേടി: ഭാഗം 51

എഴുത്തുകാരി: റിൻസി പ്രിൻസ്‌

അപ്പോഴേക്കും ബസ്സിലേക്ക് ഒന്ന് രണ്ട് ആളുകളൊക്കെ കേറി തുടങ്ങി. ആ സമയം അവൾക്ക് അരികിൽ നിന്നും അവനെഴുന്നേറ്റു എനിക്ക് ഈ മിണ്ടപെണ്ണിനെയാ ഇഷ്ട്ടം കേട്ടോ..! പോകും വഴി അവൾക്ക് മാത്രം കേൾക്കാൻ പാകത്തിൽ കാതോരം പറഞ്ഞവൻ. അവൾ അവനെ ഒന്ന് പാളി നോക്കി, അപ്പോഴേക്കും അവൻ ടിക്കറ്റ് എടുക്കാനായി പോയിരുന്നു… ഡ്രൈവിംഗ് സീറ്റിൽ കുറച്ചു മുൻപേ അവൻ വിഷ്ണു എന്ന് വിളിച്ച കണ്ടക്ടറാണ്. അവൻ എന്താണ് ഡ്രൈവിംഗ് സീറ്റിൽ കയറാത്തത് എന്ന ഒരു നിമിഷം അവൾ ഓർത്തു. വണ്ടിയിലേ തിരക്ക് കൂടിയതോടെ അവനെ കാണാൻ സാധിക്കാതെയായി. എല്ലാവർക്കും ടിക്കറ്റ് കൊടുക്കുന്ന തിരക്കിലാണ് അവൻ.. ടിക്കറ്റ് കൊടുത്ത് ആൾ ഒന്ന് ഒതുങ്ങിയപ്പോൾ അവൻ വാതിലിന് അരികിലായി വന്ന് നിന്നു ഇടയ്ക്ക് ആള് കയറുകയും ഇറങ്ങുകയും ഒക്കെ ചെയ്യുമ്പോൾ, ഒരുകിളി ചെയ്യുന്ന ജോലി കൂടി ചെയ്യുന്നുണ്ട്. തൻറെ അരികിൽ മറ്റൊരു ചേച്ചി ഇരിപ്പുണ്ട് അതുകൊണ്ടുതന്നെ അവനോട് ഒന്നും സംസാരിക്കാൻ കഴിഞ്ഞില്ല. ഇടയ്ക്ക് തന്റെ മുഖത്തേക്ക് നോക്കാൻ അവനും ഒന്നും മറന്നിട്ടില്ല. ഇടയ്ക്ക് ഡ്രൈവറിന്റെ അരികിലേക്ക് പോയവൻ വിഷ്ണുവിനോട് എന്തോ പറഞ്ഞപ്പോൾ സ്റ്റീരിയോയിൽ ഗാനം മുഴങ്ങി. 🎶അറിയാതെ ഇഷ്ടമായി അന്നുമുതലൊരു സ്നേഹ ചിത്രമായി മെല്ലെ അരികിൽ ഒതുങ്ങി നിന്നു നീ എന്റെ എല്ലാമായി.. അതിലേറെ ഇഷ്ടമായി.. എന്തു പറയണമെന്ന ചിന്തയായി പിന്നെ ഒരു ഞൊടി കാതിലോതി ഞാൻ എന്റെ മാത്രം നീ🎶 പാട്ട് വന്നതും കീഴ്ച്ചുണ്ട് അകത്തേക്ക് കൂട്ടി പിടിച്ചു ചിരിച്ചു കാണിക്കുകയും കണ്ണു ചിമ്മി കാണിക്കുകയും ഒക്കെ ചെയ്യുന്നുണ്ട് ആൾ. അപ്പോഴും ഉള്ളിൽ അവൻ പറഞ്ഞ വാക്കുകൾ മാത്രമാണ് നിറഞ്ഞുനിൽക്കുന്നത്. “എനിക്ക് ഈ മിണ്ടപെണ്ണിനെയാ ഇഷ്ട്ടം കേട്ടോ..! അടുത്ത സ്റ്റോപ്പിൽ ആണെ ഇറങ്ങേണ്ടത്… അവളുടെ മുഖത്തേക്ക് നോക്കി അവൻ കുറച്ച് സ്റ്റോപ്പുകൾ കഴിഞ്ഞപ്പോൾ പറഞ്ഞു. അവൾ തലയാട്ടി സമ്മതിക്കുകയും ചെയ്തിരുന്നു. വണ്ടി സ്റ്റോപ്പിൽ നിർത്തിയപ്പോഴേക്കും ആദ്യം ഇറങ്ങിയത് സെബാസ്റ്റ്യൻ തന്നെയാണ്. ഒപ്പം തന്നെ അവളോട് കണ്ണുകൾ കൊണ്ട് ഇറങ്ങി വരാൻ ആവശ്യപ്പെടുകയും ചെയ്തിരുന്നു. അവൾ സ്റ്റോപ്പിലേക്ക് ഇറങ്ങി വന്നപ്പോൾ വിഷ്ണുവിനോട് കൈകൾ കൊണ്ട് എന്തോ ഒരു ആംഗ്യം കാണിച്ച് സെബാസ്റ്റ്യൻ മുൻപേ നടന്നിരുന്നു. ഇതെന്താണെന്ന് അറിയാതെ അവളും അവന്റെ പിന്നാലെ നടന്നു. എന്താ ബസ്സിൽ പോകാഞ്ഞത്..? അവൾ സംശയം തീർക്കാനായി അവനോട് ചോദിച്ചു കഴിക്കണ്ടേ..? അവളുടെ മുഖത്തേക്ക് നോക്കി അവൻ മറുപടി പറഞ്ഞപ്പോഴാണ് താൻ കഴിക്കാൻ വരണമെന്ന് പറഞ്ഞതിനാണ് അവൻ ഇപ്പോൾ ഇറങ്ങിയത് എന്ന് മനസ്സിലായത്.. അവളുടെ ചുണ്ടിൽ ഒരു ചിരി വിടർന്നു. തിരിച്ചുപോണോ.? അവളുടെ മുഖത്തേക്ക് നോക്കി കുസൃതിയോടെ അവൻ ചോദിച്ചു. അയ്യോ വേണ്ട അവൾ പെട്ടെന്ന് മറുപടി പറഞ്ഞു എങ്കിൽ വേഗം നടന്നോ, വണ്ടി തിരിച്ചു വരുമ്പോഴേക്കും എനിക്ക് പോണ്ടതാ… ചിരിയോടെ അവൻ പറഞ്ഞപ്പോൾ അവൾ അവന്റെ പിന്നാലെ നടന്നു.. കൂട്ടുകാരി എന്തൊക്കെയാ പറഞ്ഞത്..? പോണ പോക്കിൽ അവൻ ചോദിക്കുന്നുണ്ട്. അവൾ പറഞ്ഞത് മുഴുവൻ ഇദ്ദേഹത്തിന്റെ ഫാൻസിനെ കുറിച്ച് ആണ്. കോളേജിൽ മുഴുവൻ ഇഷ്ടംപോലെ ഫാൻസ് ഉണ്ടെന്നും. എന്റെ ഒരു ഫ്രണ്ടിന് അസ്ഥിക്ക് പിടിച്ച പ്രേമമായിരുന്നു എന്നൊക്കെ. മറ്റെവിടെയോ നോക്കി അവള് പറയുമ്പോൾ ആ മുഖത്ത് മിന്നിമറയുന്ന അസൂയയും കുശുമ്പും ഒക്കെ കാണുകയായിരുന്നു ചെറു ചിരിയോടെ സെബാസ്റ്റ്യൻ. അതേത് ഫ്രണ്ട്..? അവൻ അവളുടെ മുഖത്തേക്ക് നോക്കി ചോദിച്ചു. എന്റെ കൂടി പഠിക്കുന്ന ഒരു കുട്ടി ഉണ്ടായിരുന്നു. അവൾക്ക് വലിയ ഇഷ്ടായിരുന്നു നമ്മളെ കാണാൻ വേണ്ടി ഇടയ്ക്ക് ബസ്സിലൊക്കെ കേറാറുണ്ട്.. ഞാൻ ശ്രദ്ധിച്ചിട്ടില്ല ചെറു ചിരിയോടെ അവൻ പറഞ്ഞു ഇഷ്ടം പോലെ ആൾക്കാരല്ലേ നോക്കുന്നെ, അപ്പോൾ എങ്ങനെയാ ഒരാളെ തന്നെ ശ്രദ്ധിക്കുക അല്ലേ? തെല്ലു കുശുമ്പ് കലർന്ന ഒരു മറുപടിയാണ് അതെന്ന് അവന് തോന്നിയിരുന്നു… അതും ശരിയാ.. കാക്കി ഷർട്ട്‌ ഊരി തോളിൽ ഇട്ട് അവൻ പറഞ്ഞപ്പോൾ അവളൊന്നു കൂർപ്പിച്ചു നോക്കി അതിരിക്കട്ടെ എന്താ കൂട്ടുകാരുടെ പേര്..? അവളെ ഒന്ന് ദേഷ്യം പിടിപ്പിക്കാൻ വേണ്ടി തന്നെ അവൻ ചോദിച്ചു.. അവൾ അവനെ കൂർപ്പിച്ചു നോക്കി.. ചുമ്മാ അറിഞ്ഞിരിക്കാലോ എന്ന് കരുതി ചോദിച്ചതാണേ. അവൻ കൈ തൊഴുതു കൊണ്ട് പറഞ്ഞു അങ്ങനെ അറിയണ്ട മറ്റെവിടെയോ നോക്കി പറഞ്ഞവൾ എങ്കിൽ വേണ്ട, ഞാൻ അങ്ങനെ ഈ ബസ്സിൽ കയറുന്ന പെൺകുട്ടികളെ ഒന്നും ശ്രദ്ധിക്കാറില്ല ചെറുചിരിയോട് അവൻ പറഞ്ഞപ്പോൾ ആ മുഖത്ത് നേരിയ ഒരു ആശ്വാസം പടരുന്നത് അവൻ കണ്ടിരുന്നു. അതെ….. അവൾ അവനെ ഒന്നു വിളിച്ചു. തിരിഞ്ഞു നോക്കിയ അതേ സ്പീഡിൽ തന്നെ അവൻ കല്ലിൽ തട്ടി വീഴാൻ തുടങ്ങിയപ്പോൾ. അവൾ അവന്റെ കയ്യിൽ കയറി പിടിച്ചു. വീണോ.? ആദിയോടെ അവൾ ചോദിച്ചു. അവളുടെ കൈയിൽ മുറുക്കിപ്പിടിച്ച് കണ്ണിലേക്ക് നോക്കിയാണ് അവൻ മറുപടി പറഞ്ഞത്… വീണു ശരിക്കും വീണു ആ മറുപടിക്ക് ഒരുപാട് അർത്ഥങ്ങളുണ്ടെന്ന് ആ നിമിഷം അവൾക്ക് തോന്നി…..തുടരും

മുന്നത്തെ പാർട്ടുകൾ  വായിക്കാൻ ഇവിടെ ക്ലിക്ക് ചെയ്യുക…

തണൽ തേടി: ഭാഗം 52

എഴുത്തുകാരി: റിൻസി പ്രിൻസ്‌

അവളുടെ ചുണ്ടിലും നാണം നിറഞ്ഞ ഒരു ചിരി വന്നു. എന്തിനാ വിളിച്ചേ..? അവളുടെ മുഖത്തേക്ക് നോക്കി കൈ വിട്ടു കൊണ്ട് അവൻ ചോദിച്ചു. അന്നെന്തോ പറയാൻ വന്നില്ലേ,?പിന്നെ ഓർക്കുമ്പോൾ പറയാം എന്ന് പറഞ്ഞില്ലേ, അത് എന്താണെന്ന് അറിയാൻ വേണ്ടിയായിരുന്നു.. അവൾ അവന്റെ മുഖത്തേക്ക് നോക്കാതെ പറഞ്ഞു. അതിനി ചോദിക്കണമെന്ന് തോന്നുന്നില്ല. അതിനുള്ള ഉത്തരമൊക്കെ എനിക്ക് കിട്ടി. അതെന്താ..? അവള് ചോദിച്ചപ്പോൾ അവൻ ഒന്നും ഇല്ല എന്ന് കണ്ണ് കാണിച്ചു. ചില കാര്യങ്ങൾക്കോക്കെ നമുക്ക് മറുപടി വേണ്ട. അവൻ പറഞ്ഞു. അപ്പോഴേക്കും നടന്നുകൊണ്ട് ഇരുവരും വീട്ടിലേക്ക് എത്തിയിരുന്നു. രണ്ടുപേരും വരുന്നത് കാണെ അനുവിന് വല്ലാത്ത ദേഷ്യം തോന്നിയിരുന്നു. അവൾ ചാടി തുള്ളി അകത്തേക്ക് പോയി നീയെന്താടാ ഈ സമയത്ത്..? അവനെ കണ്ടുകൊണ്ട് പുറത്തേക്ക് ഇറങ്ങിവന്ന ആനി ചോദിച്ചു കഴിക്കാൻ വന്നതാ, ചോറായിയാരുന്നോ.? അവൻ ചോദിച്ചു പറഞ്ഞപോലെ നീ ഇന്ന് ചോറ് കൊണ്ടുപോയില്ലല്ലോ ഞാൻ മറന്നു. എല്ലാം ആയി, തോരനു അരപ്പും കൂടെ ചേർത്താൽ മതി. അത് ഞാൻ ഇപ്പോൾ ചേർക്കാം.. നീ വന്നു ഇരിക്ക്. നീയും വാ കഴിക്ക്, രാവിലെ പോയതല്ലേ ലക്ഷ്മിയുടെ മുഖത്തേക്ക് നോക്കിക്കൊണ്ട് ആനി പറഞ്ഞു. ചെന്ന് ഡ്രസ്സ് മാറിയിട്ട് വാ കഴിക്കാം, സെബാസ്റ്റ്യൻ അവളുടെ മുഖത്തേക്ക് നോക്കി പറഞ്ഞു. ഞാൻ പിന്നെ കഴിച്ചോളാം.. അവൾ അവന്റെ മുഖത്തേക്ക് നോക്കി പറഞ്ഞു. ഞാൻ ഇല്ലാത്ത സമയം ഉണ്ടാക്കി കഴിക്കാൻ വന്നത് എന്തിനാണെന്ന് അറിയാല്ലോ.? അപ്പോ കൂടെ ഇരുന്ന് കഴിക്കാൻ ഒരാൾ വേണ്ടേ.? അവളുടെ മുഖത്തേക്ക് നോക്കി അവൻ ചോദിച്ചപ്പോൾ അവളും വല്ലാതെ ആയിരുന്നു. ആദ്യമായാണ് അവൻ ഇത്രയും തുറന്ന് സംസാരിക്കുന്നത്. ചേട്ടായി വാ കഴിക്കാം… അകത്തുനിന്നും അനു വിളിച്ചപ്പോൾ അവൾക്ക് ദേഷ്യം തോന്നിയിരുന്നു.. ചെന്ന് കഴിക്ക് സ്നേഹത്തോടെ വിളിക്കുന്നു അവൾ മുഖം കൂർപ്പിച്ചു പറഞ്ഞു ഇതെന്ത് എന്ന് അറിയാതെ ലക്ഷ്മിയെ നോക്കി സെബാസ്റ്റ്യൻ. ആരോടോ ഉള്ള ദേഷ്യം ആണ്. പോയി ഡ്രസ്സ് മാറിയിട്ട് വാടോ, ഇല്ലേൽ ഞാൻ പോവാ പരിഭവത്തോടെ അവൻ പറഞ്ഞപ്പോൾ അവൾ മുറിയിൽ പോയി വേഷമൊക്കെ മാറി തിരിച്ചു വന്നിരുന്നു. തിരിച്ചു ഡൈനിങ് റൂമിൽ വരുമ്പോൾ അവന് ഭക്ഷണം വിളമ്പി കൊടുക്കുന്ന അനുവിനെയാണ് കണ്ടത്. ദേഷ്യം തോന്നിയെങ്കിലും അവൾ സ്വയം നിയന്ത്രിച്ചു. അവൻ തന്നെയാണ് അവന്റെ അരികിലുള്ള കസേര അവൾക്കായി നീക്കിയിട്ടത്. നിങ്ങൾ കഴിക്കുന്നില്ലേ ആനിയോടും അനുവിനോടുമായി അവൻ ചോദിച്ചു. ഞങ്ങൾ പിന്നെ കഴിച്ചോളാം..! സമയമുണ്ടല്ലോ, നിങ്ങൾ കഴിച്ചോ ആനി അങ്ങനെ പറയുമ്പോഴും സെബാസ്റ്റ്യന് ആവശ്യമുള്ളതെല്ലാം അവന്റെ പ്ലേറ്റിലേക്ക് ഇട്ടു കൊടുക്കുന്ന അനുവിനെ കാണെ വല്ലാത്ത ഒരു ദേഷ്യം തന്നെ തോന്നിയിട്ടുണ്ടായിരുന്നു ആ നിമിഷം ലക്ഷ്മിക്ക്.. സെബാസ്റ്റ്യൻ ആവട്ടെ പ്ലേറ്റ് അടക്കം എല്ലാം ലക്ഷ്മിയ്ക്ക് നേരെ നീട്ടി കൊടുക്കുകയാണ്.. വെള്ളം എടുത്തോണ്ട് വരാമേ ലക്ഷ്മിയെ ഒന്ന് ശ്രദ്ധിക്കുക പോലും ചെയ്യാതെ അതും പറഞ്ഞ് അനു അകത്തേക്ക് പോയപ്പോഴാണ് ചോറിൽ കയ്യിട്ടു ഇളക്കി കൊണ്ടിരിക്കുന്ന ലക്ഷ്മിയേ അവൻ ശ്രദ്ധിച്ചത്.. കഴിക്കെടോ ഇനി വാരി തരേണ്ടി വരുമോ.? കുസൃതിയോടെ അവൻ ചോദിച്ചപ്പോൾ അവളുടെ മുഖത്ത് നാണം അലതല്ലിയിരുന്നു. തരേണ്ടി വന്നാൽ തരുമോ.? കുസൃതിയോടെ അവൾ ചോദിച്ചു. അവൻ അത്ഭുതത്തോടെ അവളെ നോക്കി. അവന്റെ കാര്യത്തിൽ താൻ വല്ലാതെ സ്വാർത്ഥ ആയി തുടങ്ങിയെന്ന് അവൾക്ക് മനസ്സിലായി. അനു അവനോട് കാണിക്കുന്ന അടുപ്പമാണ് തന്നെ അസ്വസ്ഥയാക്കുന്നത്. ഒരുപക്ഷേ അനുവിന് അവനോട് ഒന്നും ഉണ്ടായിരുന്നില്ലെങ്കിൽ അങ്ങനെയൊരു പ്രശ്നം ഉണ്ടാവില്ല. അവന്റെ മനസ്സിൽ താൻ ഉണ്ട് എന്ന് വ്യക്തമായി അവൻ പറഞ്ഞ വാക്കുകളിൽ വ്യക്തമായ കാര്യം ആണ്. അതോർക്കെ അവളിൽ ഒരു പുഞ്ചിരി നിറഞ്ഞു. ഇരുന്ന് സ്വപ്നം കാണാതെ കഴിക്കു കൊച്ചേ… അവന്റെ സ്വരം കേട്ടപ്പോഴാണ് അവൾക്ക് ബോധം വന്നത്. അപ്പോഴേക്കും ഒരുരള ചോറ് തന്റെ നേർക്ക് വന്നത് അവൾ കണ്ടു. അത്ഭുതത്തോടെ അവൾ അവനെ നോക്കി… വാരി തരുമോന്ന് ചോദിച്ചിട്ട് കുസൃതിയോടെ അവൻ ചോദിച്ചു…തുടരും

മുന്നത്തെ പാർട്ടുകൾ  വായിക്കാൻ ഇവിടെ ക്ലിക്ക് ചെയ്യുക…